دورهـ الفوتوشوب { أساسيـآت الفوتوشوب : التمهيد }

JETO

Banned
4 سبتمبر 2011
11
0
0
28
Mansoura
WwW.FaNaKeSh.CoM
السلام عليكم و رحمة الله و بركاتهـ


صباحـ / مسائـ الإبداع


بعيدا عن المقدمات و الرغي الكتير .. اسمحولي ابدأ معاكم اول دروس الـ general من دورة الفوتوشوب .. واللي هتكون مخصصة للمبتدئين اللي حابين يتعلموا الفوتوشوب .. أو حتى للمستوى المتوسط اللي عايزين يعرفوا اكتر عن مميزاته

كحاجة اساسية يعرفها كل مصمم .. انك تتعلم الفوتوشوب مش معناه انك تحفظ اسماء الأدوات و القوائم و الفلاتر .. لإن مفيش اي مصمم هيستعمل كل الأدوات الموجودة في الفوتوشوب في تصميم واحد .. اهم حاجة الإبداع و القدرة على انك تبتكر فكرة و تحولها لتصميم <~~ بدأنا في الفلسفة

درسنا النهاردة مش درس اوي .. هو مجرد تمهيد .. متهيألي اغلب الناس عارفة المعلومات اللي فيه .. بس لـ مجرد المراجعة .. و ان شاء الله بكرة هنبدأ درسنا الأول

الجزء الأول من الدرس بيتكلم عن طريقة إنشاء عمل جديد + فتح ملف .. حاجة من اساس الأساسيات اللي يعرفها اي انسان اشتغل على الرسام قبل كدا

الدرس على اليوتيوب


نيجي بقى للجزء التاني من درسنا .. الحفظ .. في ناس كتير اوي بتستهون بالطريقة السليمة لحفظ الملف .. و النتيجة ان التصميم بيفقد كتير اوي من جماله ودقته .. خليني اديكم مثال :

sandy.gif


الصورتين دول لتصميم واحد .. بس اللي ع اليمين محفوظ بطريقة غلط .. لاحظوا الفرق بين التصميمين .. الفرق اوضح في المربعين الصغيرين اللي تحت .. دول بردو جزء من كل تصميم بس مكبر ..

حاجة زي دي ممكن نتفاداها بخطوات قليلة جدا بعد ما نخلص شغلنا ..و عشان تعرفوا اكتر عنها و عن بعض الإمتدادات اللي ممكن نستعملها في حفظ الصورة تابعوا معانا الدرس ده

الدرس على اليوتيوب


http://www.fanakesh.com/vb/showthread.php?t=361#ixzz1liJjJy71
 

wa3ad

عضو جديد
5 فبراير 2012
670
2
0
مصر
egy2dy.blogspot.com
رد: دورهـ الفوتوشوب { أساسيـآت الفوتوشوب : التمهيد } مقدمة من شبكة فناكيش

تسلم ع الفيديو